Reglur Nóbelsnefndarinnar um val á friðarverðlaunahafa.

Vinnsluferli varðandi útnefningu á hugsanlegum Nóbels friðarverðlaunahöfum fer eftir ferli sem Nóbelsnefndin hefur strangar reglur um. Ein af þeim reglum er að þeir ákveða sjálfir hvert ár hvaða háskólastofnanir, ráð eða einstaklingar eiga að vera álitsgjafar og senda þeir sem valdir hafa verið inn tillögur fyrir viðkomandi ár. Þannig að ekki er hægt að ná árangri með því að mynda sjálfsprottna þrýstihópa eða undirskriftalista og senda á Nóbelsnefndina. Það er heldur ekki opinberlega gefið upp hverjir eru álitsgjafar. Ef svo vill til að það er sama manneskja sem er valin og undirskriftalistar hafa haft tillögu um þá er það vegna þessa að gildur álitsgjafi og þá væntanlega margir hafa verið sama sinnis. Eins er hugsað fyrir því að skifta árlega um álitsgjafa svo ekki myndist þrýstihópatengsl við álisgjafa.

Inn á meðfylgjandi tengli er ferlið útskýrt á aðgengilegan hátt, fróðleg lesning og einföld teikning sem útskýrir ferlið.

Þar fyrir utan eru eflaust margir sammála um að Malala þó mjög ung sé er verðug að fá friðarverðlaun Nóbels.

http://www.nobelprize.org/nobel_prizes/peace/nomination

Vilja að Malala fái Nóbelsverðlaun

Athugasemdir

[Helga Kristjánsdóttir, 10.11.2012 kl. 00:10]

Gott að sjá þig! Hún er hugrökk stúlka hún Malala,ef maður hugsar um þá hrikalegu valdbeitingu,sem konur eru beittar. Manni verður hugsað hingað heim og ég man svo langt að konur höfðu ekki tækifæri til að mennta sig,bæði vegna fátæktar og svo hins að þær voru bundnar við barnauppeldi. Það hallaði þá verulega á frelsið sem karlar höfðu umfram konur Mb.Kv.