Hraðar, hraðar, flýtið ykkur segir ESB!

Margir trúa því enn að við séum í viðræðum við ESB- svo er alls ekki.

Einu viðræður ESB við okkur felast í að útskýra regluverkið og troða því í hausinn á okkur að okkur ber skylda að taka upp allt regluverk ESB - og hætta þessum slóðahætti.
Áminningar og skammir dynja á okkur, ESB herrarnir vilja að við drífum í að klára allar reglugerðarbreytingarnar og stjórnarskrábreytingarnar. Hraðar, hraðar flýtið ykkur segir ESB!!!

Þegar regluverkið er komið á eftir kröfum ESB erum við komin í ESB, með fullgilda aðild!! Allt klappað og klárt!!
Bara lítið formsatriði eftir, að láta þjóðina klappa fyrir því, - ef ekki tekst í fyrstu atrennu að fá þjóðarklappið fyrir aðildinni er bara reynt aftur og aftur - það heitir þjóðaratkvæðagreiðsla.

Össur: Andstæðingar ESB hræddir

Athugasemdir

[Sigurður M Grétarsson, 13.9.2011 kl. 22:18]

Samningaðilar okkar hjá ESB gera ekki kröfu um að við gerum neinar breytingar á regluverki okkar fyrr en eftir samþykkt um aðild beri íslensku þjóðinni gæfa til að samþykkja aðild. Eina krafa þeirra er að sjórnkerfi Íslands sé undirbúið þannig að það geti örugglega klárað allar þessar breytingar á því eina og hálfa til tveimur árum sem mun líða milli samþykktar á aðild og formlegrar aðildar.

Fullyrðingar ESB andstæðinga um að við séum í "aðlögunarferli" en ekki "umsóknarferli" eru einfaldlega rakið kjafæði. Við erum ekk að breyta neinu í regluverki okkar vegna aðildarumsóknar okkar. Við erum hins vegar að breyta ýmsum relgum til samræmis við ESB reglur vegna aðildar okkar að EES samningum. Þær breytingar þyrftum við að gera vegna aðildar okkar að EES samstarfinu þó við værum ekki að sækja um aðild að ESB.

Það er alveg klárt að við verðum ekki aðilar að ESB nema þjóðin samþykki aðildarsamning í þjóðaratkvæðagreiðslu. Það er því engin ástæða til að stöðva ferlið af ótta við að við verðum kominn inn í ESB án þess að þjóðin hafi nokkru fengið um það ráðið áður en til þjóðaratkvæðagreiðslu kemur. Gleymum því ekki heldur að til að við getum gengið í ESB þarf að breyta stjórnarskránni. Til þess að það geti gerst þar Alþingi að samþykkja breytinguna tvisvar og með þingkosningum á milli. Það er því útilokað að þetta ferli geti farið á leiðarenda án þess að þjóðin verði spurð.

Því eru fullyrðingar um að verið sé að koma okkur inn í ESB að þjóðinni forspurðri ekkert annað en innistæðulaus hræðsluáróður ætlaður til að fá stuðning við að draga aðildarumsókn til baka áður en hún klárast. Þetta gera ESB andstæðingar vegna þess að þeir vita að þegar aðildarsamningur liggur fyrir og fær kynningu þá mun þjóðin komast að því að allur hræðsluáróður þeirra, sem stór hluti þjoðarinnar trúir í dag, er ekkert annað en bull. Þetta eru ESB andstæðingar einfaldlega að gera vegna þess að þeir eru hræddir um að þegar þjóðin hefur allar staðreyndir á borðinu þá muni hún samþykkja innöngu í ESB. Þess vegna vilja þeir ekki að þjóðin fái allar staðreyndirar á borðið.

[Anna Björg Hjartardóttir, 14.9.2011 kl. 00:12]

Gott að þú vilt leggja þig fram við að sannfæra sem flesta um sannfæringu sem þú telur vera rétta það að ESB geri engar kröfur um breytingar á regluverki fyrr en eftir samþykkta aðild.

Fullyrðing mín um kröfur ESB er algerlega staðfest og samþykkt sem rétt í svari þínu að ofan.

Þar sem þú skrifar eftirfarandi:..." að stjórnkerfi Íslands sé undirbúið þannig það geti örugglega klárað allar þessar breytingar á því eina og hálfa til tveimur árum sem mun líða á milli samþkktar aðildar og formlegrar aðildar,"

Eins og þú segir sjálfur, allt er og þarf að vera frágengið í reglugerðarbreytingum svo passi reglum EBS - hafa ber í huga að auðvitað tekur mikinn tíma að koma stofnanna breytingum hjá hinu opinbera og einkageiranum í virka framkvæmd. Mörgu þarf að umbylta og öðru gerbreyta og útbúa leiðbeiningar og breyta skjölum og handbókum, endurmennta starfsfólk, það er ekki gert með einu pennastriki. Þannig að þú staðfestir algerlega það sem andstæðingar aðildar að ESB eru að fullyrða. Það er algert aukaatriði hvort sami hluturinn eða fyrirbrigði er kallað mismunandi nöfnum eins og ofankoma eða snjór.

Það er raunveruleikinn í framkvæmd hvernig hann virkar sem skiftir máli.

Það að þú segir að höfum ekki eða þurfum ekki að taka upp regluverk ESB fyrr en eftir þjóðaratkvæðagreiðslu er alrangt. Þekki sjálf vel að hafa setið á fræðslufundum hjá opinberri eftirlits stofnun hefur verið með kynningarfundi um reglugerðarbreytingar hér á landi að kröfu ESB, reglugerðir sem við höfum þegar hrint í framkvæmd vegna aðildaraðlögunnar Íslands að ESB.

Fæ eftirfarandi lánað frá einum bloggvini þar sem vitnað er beint í nýlega yfirlýsingu frá ESB, því ekki hægt um vik að tæta það í sig og yfirlýsa sem bull- þó veit maður aldrei.

* "In 2014, a new voting method will be introduced - double majority voting.

To be passed by the Council, proposed EU laws will then require a majority not only of the EU's member countries (55 %) but also of the EU population (65 %)." Sjá hér: http://europa.eu/lisbon_treaty/glance/institutions/index_en.htm

[Helga Kristjánsdóttir, 14.9.2011 kl. 00:29]

 Sæl Anna,þeir þræta endalsust fyrir,höfum það bara á hreinu. Laumuspilið og blekkingar að samningur sé eitthvað sérstakari hjá okkur en öðrum. Við viljum ekki inn í þetta spillinga-bandalag. Það myndi nægja að líta á blekkingarnar í sambandi við Icesave,ég vil nú ekki taka sterkar til orða á þínu bloggi Anna,en þessi umsókn og þessari stjórn óska ég út í hafsauga.

[Sigurður M Grétarsson, 14.9.2011 kl. 08:43]

Anna. Þetta er lélegur útursnúningur hjá þér á orðum mínum og staðreyndum málsins. Það er ekki orðamunur og ekki einu sinni stigsmunur heldur eðlismuur á því hnvort breyttar reglugerðir þurfi að hafa farið fram fyrir þjóðaratkvæðagreiðslu og því að þær þurfi aðeins að hafa verið undirbúnar og settar á þær dagsetningar þanng að til sé áætlun um það hvernig og hvenær breytingar fara fram verði aðild samþykkt. Verði aðild ekki samþykkt þurfa þessar breytingar aldrei að fara fram frekar en við kjósum sjálf.

Það hafa ekki verið framkvæmdar neinar breytngar á reglum vegna ESB aðildarumsóknar okkar. Það hafa hins vegar verð gerðar meira en 300 lagabreytingar vegna aðildar okkar að EES samningum þau 17 ár sem við höfum verið þar aðildar. Þar sem miklar breytingar hafa verið gerðar á ESB síðustu ár og meðal annars á þeim köflum ESB reglna sem eru hluti EES samningsins hafa þessar breytingar verið óvenjumargar síðustu árin. Þetta eru þó breytingar sem við hefðum hvort eð er þurft að framkvæma þó við værum ekki í aðildarviðræðum við ESB.

Fullyrðingin um kröfur um breytt regluverk fyrir þjóaratkvæðagreðslu frá hendi ESB eru því einfaldlega rangar.

Þetta sem þú nefnir síðast um aukinn meirihluta í Ráðherraráðinu eykur möguleika smáríkja til að koma í veg fyrir lagabreytingar sem þau vilja ekki sjá því það þarf þá ekki eins mörg þeirra til að stoppa þær og annars væri. Þetta er vissulega ekki eins öflugur mögueliki til að stoppa mál eins og þegar allar ESB þjóðir höfðu neitunarvald en staðreyndin er einfaldlega sú að samstarfsvettvangur eins og ESB getur ekki gengið upp með neitunarvald hverrar einustu þjóðar þegar fjöldi þjóðanna fer upp fyrir ákveðin mörk. Anám neitunarvalds hverrar einustu þjóðar var því forsenda stækkunar ESB.

Eftir sem áður er alltaf leitast við að ná fram 100% samstöðu í Ráðherraráðinu og heyrir það til algerra undantekninga ef það næst ekki. Áhrif smáríkja á reglur ESB eru því og hafa verið mun meiri en ESB andstæðingar hér á landi hafa viljað telja okkur trú um. Það hefur aldrei gerst á vettvangi ESB að valtað hafi verið yfir grundvallarhagsmuni nokkurs ESB ríkis.

[Sigurður M Grétarsson, 14.9.2011 kl. 08:48]

Helga. Það hefur ekkert laumuspil átt sér stað og engum blekkingum verið beitt af hálfu stjórnvalda gagnvart ESB umsókninni. Aðilar á borð við Heimssýn og Evrópuvaktina hafa verið afkastamestir í blekkingum í umræðunni um þessi mál hingað til. Enda er það svo að stór hluti þjóðarinnar hefur miklar ranghugmyndir um ESB og virðist líta á samötkin sem eitthvert gráðugt skrímsli sem ætli sér að sölsa undir sig auðlindir smáþjóða og innlima þær þegar staðreyndins er sú að þetta er ekkert annað en samstarfsvettnvangur 27 sjálfstæðra og fullvaldal lýðærðisríkja í Evrópu mað það markmið að tryggja frið milli þessara þjóða og bæta lífskjör almennings. Bæði markmið hafa tekist þó vissulega komi fleira til en ESB í því efni. Þó er það alveg á hreinu að ef ekki hefði komið til ESB eða álíka samstarfsvettvangur þá væru lífskjör lakari í Evrópu en þau eru í dag og áhrif Evrópu á alþjóðaveattvandi minni en þau eru í dag.

[Anna Björg Hjartardóttir, 14.9.2011 kl. 12:07]

Takk fyrir Helga, svo sannarlega rétt blekkingarna i Icesave voru óendanlegar og síst slakað á í blekkingaleiknum varðandi ESB.

Sigurður Grétar þú ert greinilega að nota bloggið mitt fyrir langlokur í staðin fyrir skilmerkilegar athugasemdir, því vil ég benda þér á að blogga sjálfur en ekki blogga inni á mínu á þessum forsendum, vinsamlegast sýndu mér þá háttvísi. Auðvitað velkomið að setja inn athugasemdir en skilmerkilegar og í hófi.

Aðildarviðræður eru til að sjá hvað ber á milli í reglugerðum landsins í samanburði við reglugerðir ESB sem okkur ber að taka upp ef við viljum vera í ESB, einfalt -ekki satt?

Erfiðust málin hjá mörgum litlum löndum eru landbúnaðarmálin því þar er oftast mesta mótstaðan við regluverk ESB, Þetta skilja allir.

Til að upplýsa þig betur þá er hér á landi verið að fara eftir leiðbeinandi regluverki ESB þó það sé ekki orðið gilt fyrr en aðild er komin á - en við framkvæmum fjölda regluverka nú þegar eins og fullgild væri, það nefnist AÐLÖGUN, líka einfalt - ekki satt?.

Ofangreint er t.d. ástæðan fyrir að ESB getur ekki ennþá sektað okkur ef við framfylgjum ekki reglugerðum þeirra. Einfalt eins og allt hitt, nema hausnum sé barið við steininn.

[Jóna Kolbrún Garðarsdóttir, 15.9.2011 kl. 02:38]

Sigurður M Grétarsson segist vera mikill jafnaðarmaður og ( kjósandi Samfylkingarinnar), hvað þýðir það? Er hann sérstök málpípa Jóhönnu og Össurar?  Eru Jóhanna og Össur jafnaðarmenn?  Hvaða jöfnuð er hann að tala um?  Hefur þessi stjórn Jóhönnu unnið samkvæmt forskrift jafnaðar?  Eru sumir jafnari en aðrir? 

[Sigurður M Grétarsson, 15.9.2011 kl. 11:10]

Jóna. Ég er einungis málpípa fyrir mínar eigin skoðanir en ekki annarra hvortki einstaklinga né flokka.

Anna. Þetta er flókið mál og þarf því mikilla útskýringa en ég gengst alveg við því að vera ekki sérlega fær í að stytta mál mitt. Það er eina ástæðan fyrir löngum athugasemdum hjá mér en ekki það að ég vilji reyna að drepa málinu á dreif.

Hitt er annað mál að það hafa ekki verið gerðar neinar lagabreytingar hér á landi vegna aðildarumsókar okkar og það er hvergi verið að fara eftir reglum ESB vegna aðildarumsóknar og það yrði allra síst gert í landbúnaðarráðuneytinu með Jón Bjarnason þar í forsvari.

Við höfum hins vegar verið að gera yfir 300 lagabreytingar í samræmi við regluverk ESB vegna EES aðilar okkar þau 17 ár sem við höfum verið þar og vegn mikilla breytinga á ESB reglum sem EES samningurinn nær til seinustu ár hafa þær lagabreytingar verið óvenjumargar.

Fullyrðingin um aðlögun vegna ESB aðildarsamings er því bull sem á sér enga stoð í rauvneruleikanum.

[Anna Björg Hjartardóttir, 15.9.2011 kl. 18:17]

Enga vitleysu Sigurður - ég sit fundi vegna vinnu minnar þar sem yfirmenn ríkisstofnanna tilkynna að á Íslandi er farið eftir fjölmörgum reglugerðum ESB það er bara staðreynd.,sumt var tekið upp t.d. 2009 og bætist stöðugt við. Margar af þeim reglugerðum hef ég hlaðið niður af netinu.

Hættu að fullyrða svona stórt Sigurður - staðhæfingar þínar og yfirlýsingar um bull annarra stenst ekki.

Margir eru farnir að halda að þú vinnir við þetta, sért á launum, ha, ha,

Kveðja.

[Sigurður M Grétarsson, 17.9.2011 kl. 10:17]

Anna. Eins óg ég er búinn að segja þá höfum við þurft að setja rúmlega 300 reglur vegna aðidlar okkar að EES samstarfinu og munum áfram þurfa að breyta lögum í samræmi við ESB reglur meðan við erum aðilar að EES samstarfinu óháð því hvort við erum að sækja um ESB aðild eða ekki. Þessar ESB reglur hér á landi eru því til komnar vegna aðildar okkar að EES samstarfinu en hafa nákvæmlega ekkert með aðildarumsókn okkar að gera.

Fullyringar um að við séum í aðlögun að ESB eða að við þurfum að aðlaga okkur að ESB reglum öðrum en þeim sem við þurfum að aðlaga okkur að vegna aðildar að EES samstarfinu er því bull.

Það á sér engin aðlögun að ESB reglum stað vegna aðildrumsóknar okkar. Fullyringar um slíkt er ekkiert annað en lágkúrulegur lygaþvættingur að háflu ESB andstæðinga til þess ætlaður að blekkja þjóðina til að krefjast þess að aðildarviðræðum verði hætt. Þetta gera þeir vegna þess að þeir vita að þegar þjóðin hefur aðildarsamning fyrir augunum þá mun það átta sig á því að megnið af þeim hrygglingssögum sem þeir hafa veið að bera á borð um ESB eru ekkert annað en innihaldslausar mýtur og hræðsluáróðour. Þeir vita að ef þjóðin hefur réttar og sannar upplýsingar um hvað í því felst að vera aðili að ESB þá er mjög líkegt að hún samþykki slíka aðild. Þess vegna leggja þeir ofurkapp á að stöðva málið áður en það gerist.

Það er nú frekar slappur málflutningur að gera því skóna að menn sem eru manni ósammála um ESB séu eihverjir leigupennar. Þá gæti ég allt eins gert því skóna að þeir sem skrifa gegn ESB séu leigupennar LÍÚ eða Bændasamtakanna að berjast gegn sérhagsmunum þeirra gegn þjóðarhagsmunum.

Dettur þér ekki í hug að við sem erum að vinna að ESB aðild Íslands séum að gera það vegna vilja okkar til að vinna landi okkar gagn í þeirri sannfæringu að það muni verða Íslandi og Íslendingum til framdráttar að ganga í ESB. Dettur þér ekki í hug að við séum að gera þetta vegna þess að við vitum að yfirgnæfandi líkur eru á að með ESB aðild muni útflutingusatvinnuvegir okkar eflast með frjálsum og tollalausum aðgangi að ESB mörkuðum og aðild að öllum þeim fríverslunarsamningum sem ESB hefur gert við ríki utan ESB? Dettur þér ekki í hug að við séu að vinna að þessu í þeirri vissu að bæði bætt staða útflutninsgreina okkar og aukin erlend fjárfesting í landinu sem allar þjóðir sem gengið hafa í ESB hafa upplifað bæti lífskjör hér á landi og það jafnvel verulega? Dettur þér ekki í hug að við séum að skrifa þetta vegna þess að við vitum að með ESB aðild falla niður tollar af unnum sjávarafurðum á ESB markaði sem auðveldar mjög að efla atvinnu í sjávarútvegi um allt land með aukinni fullvinslu sjávarafurð fyrir utan það að við vitaum að fullyrðingar um að við missum veiðiheimildir til annarra ESB ríkja við ESB aðild er ekkert annað en innistæðulaus hræðsluráróður? Dettur þér ekki í hug að við vljum stuðla að lækkun vaxta hér á landi sem muni bæta verulega stjöðu ungs fólks með miklar húsnæðisskuldir.

Þetta eru allt ástæður þess að ég vil vinna að ESB aðild okkar Íslendinga. Ég er í pólitík til að vinna þjoð minni gang og ég veit að með því að leggja mitt lóð á vogaskálarnar við að vinna að ESB aðild okkar Íslendinga er ég að gera það.