Þingið hræðist þjóðina og virkt lýðræði

Forsetinn hefur aðeins komið því til leiðar að þjóðin fái kost á að kjósa um Icesave III. Af hverju óttast þingmenn sína eigin kjósendur? Fólkið sem fyrir tilstilli lýðræðis kaus þau og kom þeim til valda. Stjórnarskráin felur í sér að þingmönnum ber að vinna að þjóðarhag og hagsæld allra í landinu með stjórnarskrána sem kyndill og vegvísi réttlætis og lýðræðis þess vegna er þar að finna þetta mikilvæga ákvæði um synjunarvald forsetans. Þingið krefst þess kinnroðalaust að stjórnarskránni sé breytt svo þingmenn geti lokað sig af í fílabeinsturni og aðhafst að vild laus við lýðræðiskröfur kjósenda. Krafan um afnám á synjunarvaldi forseta vísar til að þingmenn vilja óáreittir fyrir kjósendum geta tryggt sérhagsmuni sína og þeirra sem búa í fílabeinsturni á kostnað þjóðarinnar.

Vill breyta 26. greininni

Athugasemdir

[Helga Kristjánsdóttir, 22.2.2011 kl. 18:23]

Sæl Anna, þau sem lengst hafa setið á þingi,virðast líta  á þingið sem sína  einka höll,þar sem þeim einum kemur við hvað þar er samþykkt. ´Nú verðum við að vera dugleg að vinna lýðræðinu brautargengi,þegar svo fast er sótt að því. Skila því til barna okkar. Þetta er mér svo ofarlega í huga núna. M.b.kv.